Pages: [1]   Go Down
  Print  
Author Topic: Hazrat Muhammad Murad Ali Khan RA  (Read 16038 times) Average Rating: 0
israrulhaq
Active Member
Member
*

Join Date: Sep 2009
Location:
Posts: 10


« on: September 03, 2009, 03:52:19 PM »

Hazrat Murad Ali Khan RA 1880 mein India k mushoor sheher Hushyar Pur mein paida huay. App k walid sahib ka naam Hazrat Muhammad Ali tha. Jo k khud ek boht barey kamil wali thay. Jab app zra barey huay to deni taleem k liye apke walid sahib ne qareebi madrasay mein dakhil krwadya jahan per apney Molvi Allah Buksh se taleem hasil ki jo k mushoor sufi buzurg Hazrat Buhlay Shah RA k mamoon zad bhai thay. Ibtadai taleem k baad apke walid sahib ne apko school mein dakhil krwadia. App pedaishi tor pe wali thay.
                App ne mukhtalif jaghon se zahri, deni aur batni taleem hasil ki. App ke asataza mein Molvi Allah Buksh, Qari Zahoor Ahmed, Mufti Fateh Muhammad aur Ustaad Kudratullah Dehlvi qabil-e-zikar hain. App ne Molvi Fazil aur Munchi Fazil ki degrian  hasil kein. Iske ilawa apne English, Persian, Arabic per uboor hasil kya. Baatni tor per app ne Huzoor-e-Ghaus-e-Pak RA aur Hazrat Syed Abdul Razaq se faiz hasil kya. App ne khud farmaya k main paanch saal ki umr se paanch namazein bima tahajad k bakaidgi se ada kr raha hon.
     App ne both sara waqt apne murshid kamil ko talaash krne mein guzara. Isi waja se app ne puray Pak-o-Hind ka safar kya lekin gohar-e-muqsood haath na aya. App ne Sultan al Arfeen ke darbar mein hazri di. Isi tarhan app Golara Sharif bhi gaey aur wahan chila kasha ki lekin appp ki tasali nahi hui. Is ke baad app ne Karachi mein bhi 2 maah guzarey aur Mungo Peer ke darbar mein beth kar chila kasha ki. Phir app Sultan al Mashaikh Hazrat Nazam uddin Aulia RA ke darbar mein hazir huay to wahan se irshaad hua k ghar wapis jao aur intezaar karo jald hi manzil mil jaey gi. Wahan se app Ajmir ke liye rwana huay aur Ajmir se Lahore phir Pakpattan , phir Chishtian se hotay huay wapis apney gaon chak number 333 Peer Mahal jo us waqt zila Faisalabad mein tha wapis aa gaey. Gaon wapis aa kar app ne apne zarae rakbay ke saath ek school ki bunyad rakhi jo Mashallah aj Faridia Degree College ki shakl ikhtyar kr chuka hai.
               Phir who waqt bhi agya jis ke intezaar mein apne puray Pak-o-Hind ka safar kyat ha. Apke gaon mein salana mehfil-e-millad thi. Apke gaon k eek buzurg jinko sab mian ji kehtey thay unke peer sahib Hazrat Syed Ejaz Hussain Shah RA is mehfil k mehman-eKhasoosi thay. Mehfil shuru hui to mehman-e-Khasoosi  ne mian ji se pocha kya sara gaon aya hua hai. To mian ji bolay k Hazrat sahib ek sahib Molvi Murad Ali Khan RA nahi aye kyunke yeh waqt unki ibadat ka hota hai. Mehman-e-Khasoosi ne apko bulanay ki khwahish ka izhaar kya. Chunancha ek admi apko bulanay ke liye bheja gya. App tashreef le aye lekin pindaal mein bethnay ki jaga nahi thi. Har taraf logon ke sar ho sar nazar a rahay thay. Jab apko bethnay k liye koi jaga nazar na ayi to app pindaal se bahir ek drakht ke saath tek laga kr beth gaye. Mehman-e-Khasoosi Hazrat Syed Ejaz Hussain Shah RA jo apney waqt ke Kamil wali aur Kutb thay unhon ne apko dekha aur pukara Molvi sahib humarey pass ajaye. App paas aye to Syed Ejaz Hussain Shah RA sahib ne barh kr apko senay se laga lya. Ashiq aur Mashuq ikathay huay to manzar dekhnay wala tha. Hazrat Shah Shib ne kharay kharay mehfil se khitaab kya aur kaha ke main jis gohar ki talaash mein Rampur UP se Punjab ke is gaon mein ayah on who mujhe mil gya hai aur Allah tala ka bara fazl hai ke jo amanat mujhe sonpi gai thi  who asal haqdar ko lota raha hon.  App ne Hazrat Syed Ejaz Hussain Shah RA ke haath per baiyt ki aur asloob ki manzalein the krte huay Fana fil-shaikh se fana fil-rasul aur phir fana fil-rasul se fana fi-Allah ho gaey. Hazrat Syed Ejaz Hussain Shah RA Sahib ne apko Charon silasil yani Naqshbandia, Chishtia, Qadria aur Suhurwardia ki khalaftein ata kein aur apna Khalifa-e-Azam mukarar farmaya. Log jol der jok apse faiz hasil krne k liye hazir honay lagay. App ke mureedan-e-Haq ki tadaad hazaron mein hai. Akhir 14 August 1968 bamutabiq 19 Jamadi Awal 1388 Hijri baroz mangal talbi ka pegham a gya aur peer-e-Kamil is alim-e-napaidar se alim-e-baqa ki taraf kooch kar gaey. Inna lilah wa inna ilayh rajion. Allah tala apko apni jawar-e-Rehamt mein jaga de aur apke darjaat buland farmaye. Amin sum Amin. Apko Sadiqabad zila Raheem Yar Khan Pakistan mein bad-az dopahar supard-e-Khak krdia gya.
Mazeed Halat malom krne ke liye website visit karein.
http://www.hazratmuradali.tk
Logged
Aulia-e-hind.com
« on: September 03, 2009, 03:52:19 PM »

 Logged
Talib-E-ILM
Global Moderator
Legendary Member
*****
Gender: Male


Join Date: Sep 2009
Location: Wadi-e-Jinn
Posts: 7758


« Reply #1 on: September 16, 2009, 12:10:03 PM »

jazakallah for sharing brother...we have added a link on pakistan page for this dargah..

keep the good work coming
Logged


In order to have a Comfortable Journey of Life, Reduce the Luggage of Desires...
Aulia-e-hind.com
« Reply #1 on: September 16, 2009, 12:10:03 PM »

 Logged
Talib-E-ILM
Global Moderator
Legendary Member
*****
Gender: Male


Join Date: Sep 2009
Location: Wadi-e-Jinn
Posts: 7758


« Reply #2 on: October 20, 2009, 09:37:37 AM »

Aslam-o-Alaikum
             Dear friend,
 
Website of Hazrat Murad Ali Khan RA has been updated. Biographies of Sufis of all Shijrahs have been added. Now you can find biography of any Sufi Saint (buzurg) by clicking his name in shijrah secion. In Hadith section Jamia-Tirmizi, Sunan Nisaai and Sunan Ibn-Maja are available for reading. Word by Word translation of Holly Quran is available in English and Urdu version. If you click English you  will find English-Arabic Word by Word translation, if you click Urdu you will find Urdu-Arabic Word by Word translation. Now we are on English Version. We have also added another domain  www.hazratmuradali.co.cc
Please give your feedback about the website www.hazratmuradali.tk
 
Israr Ul Haq
shaimaisrar@gmail.com
Logged


In order to have a Comfortable Journey of Life, Reduce the Luggage of Desires...
Pages: [1]   Go Up
  Print  
 
Jump to: